Home / خبریں / دوسری شادی پر پابندی‘ عدالت عالیہ کا بڑا فیصلہ

دوسری شادی پر پابندی‘ عدالت عالیہ کا بڑا فیصلہ

مسلم فیملی لاز آرڈیننس 1961 کے مطابق مصالحتی کونسل کی اجازت کے بغیر شادی کرنے والے شخص کو سزا اور جرمانہ ہوگا۔
عدالت عالیہ نے دوسری شادی کرنے کے لیے نئی شرط عائد کرتے ہوئے فیصلہ کیا ہے کہ پہلی بیوی سے اجازت کے باوجود دوسری شادی کیلئے مصالحتی کونسل کی اجازت ضروری ہوگی۔

اسلام آباد ہائی کورٹ کے چیف جسٹس اطہر من اللہ نے تحریری فیصلہ جاری کرتے ہوئے قرار دیا کہ پہلی بیوی کی اجازت کے باوجود مصالحتی کونسل انکار کردے تو دوسری شادی پر سزا ہوگی، مسلم فیملی لاز آرڈیننس 1961 کے مطابق مصالحتی کونسل کی اجازت کے بغیر شادی کرنے والے شخص کو سزا اور جرمانہ ہوگا۔دلشاد بی بی اور لیاقت علی میر نے 2011 میں پسند کی شادی کی، 2013 میں لیاقت علی میر نے پہلی بیوی اور مصالحتی کونسل کی اجازت کے بغیردوسری شادی کی۔ مجسٹریٹ اسلام آباد نے مصالحتی کونسل کی اجازت کے بغیر شادی کرنے پر آزاد کشمیر کے رہائشی لیاقت علی میرکوایک ماہ قید اورپانچ ہزارجرمانے کی سزا سنائی تھی۔

ایڈیشنل سیشن جج نے کشمیرکا باشندہ ہونے کی وجہ سے لیاقت علی کو بری کردیا تاہم اسلام آباد ہائیکورٹ نے پہلی بیوی کی اپیل پرلیاقت علی میرکی بریت کوکالعدم قرار دیتے ہوئے فیصلہ دیا کہ جس شخص کے پاس قومی شناختی کارڈ ہے، اس پرتمام قوانین کا اطلاق ہوگا، نکاح اسلام آباد میں رجسٹرڈ ہے، عدالت کا مکمل دائرہ اختیار ہے۔اسلام آباد ہائیکورٹ نے پہلی بیوی کی اپیل منظور کرتے ہوئے کیس ماتحت عدالت کو بھیجتے ہوئے قرار دیا کہ ایڈیشنل سیشن جج میرٹ پر لیاقت علی میر کی دوسری شادی کیس کا فیصلہ کریں۔

admin

Author: admin

Check Also

انڈین میڈیا کی گھناؤنی حرکت بےنقاب

بھارتی میڈیا کا ایک اور جھوٹ بے نقاب ہوگیا، بھارت نے جان بوجھ کر پھر …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے